По повод одбележувањето на 123-годишнината од смртта на македонскиот револуционер и великан Гоце Делчев, во холот на НУУБ „Св. Климент Охридски“ – Битола е поставена пригодна изложба на книги, статии и други публикации посветени на неговиот живот и дело.
Изложбата опфаќа богат избор на наслови од фондот на библиотеката, меѓу кои се застапени историски изданија, научни трудови и публицистички текстови што го осветлуваат значењето на Гоце Делчев во македонската историја.
Од установата информираат дека поставката има за цел да го доближи ликот и делото на Делчев до пошироката јавност, но и да потсети на неговиот траен придонес во националното ослободување и културното наследство.
Изложбата е отворена за посетители во текот на деновите на одбележувањето, а од библиотеката ги повикуваат граѓаните, особено младите, да ја посетат и преку пишаниот збор да се запознаат со делото на еден од најзначајните историски личности.
Настанот е дел од активностите со кои НУУБ „Св. Климент Охридски“ – Битола традиционално го одбележува овој значаен датум, негувајќи ја културата на сеќавање и почит кон македонските великани.
