БИТОЛА, ул.Рузвелтова бр.18 тел.075 22 47 22, Нов пазар 075 44 57 40

Пред неколку дена од непознати лица на локации низ цела Битола беа отруени многу улични кучиња. Во последно време зачестени беа нападите на дел од нив кон луѓе, а ете сега и обратно. Од едно од отруените кучиња Здружението за заштита и спасување на улични кучиња Animal rescue & care објави и видео. Содржината е вознемирувачка заедно со нивниот текст.

Што сакаме ние да апелираме? Сакаме конечно да се заврши со оваа голгота и за нас, обичните луѓе и за нив, уличните кучиња. Сакаме да бидат прибрани на соодветно место каде ќе бидат згрижени, нахранети и каде некој ќе му подарува повеќе љубов. Сакаме да нема повеќе ниту повредени ни преплашени наши деца и сограѓани. Ова што го правите и вие кои ги трујате и вие кои ништо не превземате за нивно добро и на целата заедница нека Ви служи на чест. Крајно време е да си го ставите прстот на глава и да го решите проблемот кој години се провлекува. Жалосно.

Стоп за труење на кучињата скитници.

Стоп за омразата кон нив.

Стоп и за нашата системска негрижа кон нив и нивното оставање на милост и немилост со што е загрозен и животот на граѓаните.

Објавата на Здружението :

Кучето не преживеа 💔 😪 се надеваме дека таму каде што замина е многу поубаво место од овде 😪🙏🌈☁️
Каде ќе ви оди душата? Дали можете само да замислите низ која агонија поминува кучето? Знаете ли што се случува на сите органи? Која болка е тоа? Шансите според ветеринарот се многу мали. Стискаме палци да се спаси милово што на никој ништо не му згрешило. Пред месец дена и го стерилизиравме. Се трудиш да помогнеш колку што можеш за на крај се да биде залудно.
Само се надеваме дека трујачот еден ден ќе ја почувствува болката низ која врви душава.

Врати порака

Please enter your comment!
Please enter your name here