Битолската ракометна публика денес ќе има можност да проследи интересно „братско“ дерби меѓу Еурофарм Пелистер и Еурофарм Пелистер 2, во рамките на македонската Супер лига.
Натпреварот е закажан за денес, 25 септември, од 17:30 часот во спортската сала „Боро Чурлевски“ во Битола.
На спротивните страни на теренот ќе се најдат ракометари од двете екипи на битолскиот клуб – првиот тим и младите ракометари од Еурофарм Пелистер 2, за кои ваквите натпревари претставуваат значајно искуство во нивниот развој.
Од клубот ги повикуваат љубителите на ракометот да дојдат во сала и да го проследат натпреварот.
Влезот за публиката е бесплатен.
