Во текот на оваа година, Болница „Плодност“ беше посетена од неколку генерации деца родени со помош на ин витро фертилизација (ИВФ), кои заедно со своите родители повторно ги посетија лекарите и медицинскиот тим што бил дел од нивниот пат до родителството.
Од болницата велат дека ваквите средби претставуваат најголема потврда за успешноста на нивната работа и мотив за понатамошна посветеност.
„Децата кои некогаш беа надеж и долгоочекувана желба, денес се наши најдраги гости. Нивните насмевки и прегратки се најголемата награда за целиот тим“, порачуваат од Болница „Плодност“.
Воедно, од здравствената установа упатија благодарност до сите семејства кои и по многу години се враќаат за да ја споделат својата среќа и да ја продолжат врската со тимот кој бил дел од нивната животна приказна.
