Во време кога убавината не се мереше со филтри, туку со став, насмевка и природна елеганција, една битолчанка се најде меѓу избраните.
Гордана, претставничка на Битола, е дел од ексклузивна галерија на 15-те најубави девојки мисици на поранешнаЈугославија, фотографирани на бреговите на Дунав. Момент овековечен како сведоштво за една епоха во која женственоста имаше свој посебен, достоинствен израз.
Фотографиите зрачат со автентичност, без наметнати стандарди, без вештачки додатоци. Само природна убавина, стил и харизма што не избледуваат со времето. Токму затоа овие кадри и денес изгледаат свежо, искрено и моќно.
Битола отсекогаш знаела да изнедри убавина со карактер. Гордана не е само лице од една фотографија, туку дел од приказната за градот кој со децении ја носи титулата на град на дами со стил.
Останува запишано дека меѓу тие 15 избранички, на Дунав, стои и едно битолско име, со достоинство, со насмевка и со она нешто што не се учи, туку се носи во себе – Гордана (Горица) Христова од Јени Маале.
