Битолчанецот Тони Наумовски продолжува да го афирмира македонскиот филм и актерска уметност на меѓународната сцена. На филмски фестивал во Оклахома, филмот „Лена и Владимир“ освои четири престижни награди, а Наумовски беше прогласен за Најдобар актер.
Неговиот успех не остана незабележан ниту дома. Меѓу првите што јавно му честита беше Игор Џамбазов, а како круна на успешната година, Тони е добитник и на престижната македонска актерска награда „Мето Јовановски“.
Уште еднаш, Битола има причина да се гордее. Честитки за Тони Наумовски и желби за уште многу успеси на светските филмски сцени!
