Уште еден голем планинарски успех за Битола! Нашиот сограѓанин Дарко Костадинов успешно се искачи на врвот Казбек (5.054 м) на Кавказ, во Грузија.
Врвот го достигна во 8:45 часот по локално време, а таму, над облаците, гордо го развеа македонското знаме.
За Дарко ова не било само уште едно искачување, туку вистинска лекција за трпение, дисциплина, издржливост и почит кон планината.
„Секој чекор низ снегот и мразот беше чекор поблиску до сонот. На врвот нема многу зборови… само тишина, бескраен хоризонт и гордост што македонското знаме се вее над облаците. Планината не ја победуваме – таа само ни дозволува да застанеме на нејзиниот врв.“
Честитки Дарко! Битола денес има уште една причина за гордост!
