Членот на ПСК Пелистер Горан Дамевски, успешно го искачи еден од најпознатите и највеличествени врвови во светот – Матерхорн, познат како симболот на Алпите.
Матерхорн се наоѓа на границата помеѓу Швајцарија и Италија, над живописното село Цермат (Zermatt) во швајцарскиот кантон Валис (Valais) и Брело-Червинија (Breuil-Cervinia) во Италија. Висок е 4.478 метри и претставува еден од најпредизвикувачките алпинистички врвови.
Овој подвиг претставува голема чест и инспирација за сите љубители на планинарството. Честитки за Горан за неговата посветеност, упорност и љубов кон планините!
