Во пресрет на Велигденските празници, во Битола се реализира хуман гест кој заслужува внимание и почит.
Берберницата „Ице“, лоцирана кај Бизнис центарот во старата чаршија, започна акција преку која обезбедува бесплатни услуги за граѓани од ранливи категории. Акцијата веќе започна и ќе трае до сабота, а опфаќа услуги како стрижење и бричење за оние кои не се во можност да си го дозволат тоа.
Со оваа иницијатива, сопственикот испраќа силна порака за солидарност, хуманост и грижа за заедницата, особено во период кога празниците треба да донесат топлина, достоинство и насмевка кај секого.
Ваквите примери покажуваат дека Битола не е само град на историја и култура, туку и град со големо срце, каде човечноста сè уште има силно место.
Граѓаните кои имаат потреба од ваква услуга можат да ја посетат берберницата во наредните денови и да ја искористат оваа хумана можност.
—————————————————-
Ова не е платена реклама или ПР текст. Ова е наша мала поддршка за свет со поголема човечност кај сите. Инаку наш бербер е Макре.
