Битола на 27 септември 2026 година ќе биде домаќин на натпревар во боди-билдинг и фитнес, на кој учесниците ќе се натпреваруваат во повеќе машки и женски категории.
Пријавувањето и официјалното мерење на натпреварувачите ќе се одржи во недела, на 27 септември, со почеток во 12:00 часот, во Центарот за култура – Битола, во салата каде што ќе се одржи и самиот натпревар.
Кај мажите предвидени се категории за тинејџери, јуниори, сениори и мастерс натпреварувачи.
Во сениорска конкуренција во Bodybuilding ќе се натпреварува во категориите до 70, до 80, до 90 и над 90 килограми. Во Men’s Physique категориите ќе бидат до 178 и над 178 сантиметри, а предвидени се и Muscular Physique, Classic Bodybuilding и Classic Physique.
Свои категории ќе имаат и младите натпреварувачи до 19 години, јуниорите до 23 години, како и мастерс натпреварувачите.
Во женска конкуренција ќе се натпреварува во Bikini Fitness, Wellness Fitness, Body Fitness и Physique. Bikini Fitness кај сениорките е поделена на категории до 166 и над 166 сантиметри, додека посебни категории се предвидени и за тинејџерки, јуниорки и мастерс.
Настанот ќе донесе на едно место натпреварувачи од различни возрасни категории и дисциплини, а Битола повторно ќе биде центар на спортот, физичката подготвеност и бодибилдингот.
📅 27 септември 2026 – недела
⏰ Пријавување и мерење: 12:00 часот
📍 Центар за култура – Битола
