Фотографија од 1920 година сведочи за хуманоста и пожртвуваноста на д-р Мабл Флуд, американска лекарка која оставила длабока трага во Битола за време и по Првата светска војна.
На фотографијата, д-р Флуд е облечена во традиционална носија од Битола, подарок од пациент кој успеал да закрепне благодарение на нејзиниот несебичен труд и грижа. Овој гест претставува симбол на благодарност и почит кон нејзината посветеност.
Според архивските записи од Американскиот Црвен крст, д-р Мабл Флуд, родум од Елмира, Њујорк, повеќе од две години активно учествувала во хуманитарни мисии во регионот. Таа работела во Битола во најтешките моменти, дури и за време на бомбардирањата, а и по завршувањето на војната останала на својата позиција како заменик главен хирург во болницата на Црвениот крст.
Поради својата пожртвуваност и храброст, меѓу локалното население била позната како „Ангелот на Битола“.
Фотографијата е дел од колекцијата на Американскиот национален Црвен крст и се чува во Библиотеката на Конгресот во САД, како значаен историски документ за улогата на медицинските мисии во обновата на Битола.
Фото Македонија во боја
